Leviticus 7:1 ουοϩ φαι πε φνομος `ντε ϯμετϣαϥτ νη εθουαβ `ντε νη εθουαβ νε

Leviticus 7:2 ϧεν πιμα ετουναϧολϧελ `μπιϭλιλ `μμοϥ ευεϧολϧελ `μπικεωιλι `ντε ϯμετϣαϥτ ουοϩ πι`ςνοϥ εϥεϫοϣϥ εϫεν ϯβαςις `ντε πιμανερϣωουϣι εϥκωϯ

Leviticus 7:3 νεμ νεϥωτ τηρϥ εϥεενϥ εϧουν εβολ νϧητϥ νεμ ϯϯπι νεμ `πιωτ τηρϥ ετϩωβς ννη ετςαϧουν

Leviticus 7:4 νεμ πιϭλωτ 2. νεμ `πιωτ ετϩιϫωου φη ετχη ϩιϫεν νιαλωϫ νεμ πιλοβος ετχη ϩιϫεν πιϩυπαρ εϥεολου νεμ νιϭλωτ ευςοπ

Leviticus 7:5 ουοϩ ερε νιουηβ εϥεενου εϫεν πιμανερϣωουϣι ουουταϩ εϥϣηπ ουςθοι νςθυνουϥι `μ`πϭοις εθβε ουμετϣαϥτ πε

Leviticus 7:6 ϩωουτ νιβεν εβολ ϧεν νιουηβ εϥεουομου ϧεν ουμα εϥουαβ εϥεουομου νη εθουαβ `ντε νη εθουαβ νε

Leviticus 7:7 ` μ`φρηϯ μφη εθβε `φνοβι παιρηϯ ον πε φη `ντε ϯμετϣαϥτ ουνομος `νουωτ πε πιουηβ ετνατωβϩ εϫωου ϫε πιουηβ νϧητϥ εϥεϣωπι ναϥ

Leviticus 7:8 ουοϩ πιουηβ φη ετναινι εϧουν `νουϭλιλ `ντε ουρωμι πιϣαρ `ντε πιϭλιλ φη ετεϥναενϥ εϧουν νθοϥ εϥεϣωπι ναϥ

Leviticus 7:9 νεμ ϣουϣωουϣι νιβεν φη ετουναθαμιοϥ ϧεν ουθριρ νεμ φη νιβεν ετουναθαμιοϥ ϧεν εςχαρα νεμ εϫεν ουλακεντ ουοϩ πιουηβ ετναενϥ εϧουν εϥεϣωπι ναϥ

Leviticus 7:10 ουοϩ ϣουϣωουϣι νιβεν ετε ϥουοϣεμ ϧεν ουνεϩ ουοϩ μϥουοϣεμ αν εϥεϣωπι `ννιϣηρι τηρου `ντε ααρων `φουαι `φουαι ϧεν ουμετϩυςος

Leviticus 7:11 φαι πε φνομος `ντε ουϣουϣωουϣι ννοϩεμ ετουναενϥ εϧουν ε`πϭοις

Leviticus 7:12 εϣωπ δε εϥναενϥ εϧουν εθβε ουςμου εϥεινι εϫεν πιϣουϣωουϣι νςμου `νϩανωικ εβολ ϧεν ςεμιδαλιον ευουοϣεμ ϧεν ουνεϩ νεμ ϩανλακϩ `νατκωβ εαυθαϩςου ϧεν ουνεϩ νεμ ουςεμιδαλιον εϥουοϣεμ ϧεν ουνεϩ

Leviticus 7:13 εϫεν ϩανωικ `νϣεμηρ εϥεινι `ννεϥδωρον εϧουν ϫε ουϣουϣωουϣι νςμου ννοϩεμ νταϥ πε

Leviticus 7:14 ουοϩ εϥεινι εϧουν εβολ ϩιτοτϥ `νουαι εβολ ϧεν νεϥδωρον τηρου φη ετεϥνατηιϥ `μ`πϭοις εϥεϣωπι `μπιουηβ φη ετναϫεϣ π`ςνοϥ `μπιουϫαι

Leviticus 7:15 ουοϩ νιαϥ `ντε ουϣουϣωουϣι νςμου ννοϩεμ ευεϣωπι ναϥ ουοϩ νϧρηι ϧεν πιεϩοουι ετουναεν πιδωρον εϧουν ευεουομϥ ννουςωϫπ εβολ `μμοϥ ετοουι

Leviticus 7:16 ουοϩ εϣωπ ϥναινι `μπεϥδωρον εϧουν `νουϣουϣωουϣι ουευχη ιε ουουωϣ ϧεν πιεϩοου ετεϥναινι `μπεϥδωρον εϧουν νεμ πεϥραςϯ ευεουομϥ

Leviticus 7:17 ουοϩ φη ετναςωϫπ εβολ ϧεν νιαϥουι `ντε πιϣουϣωουϣι ϣα πιεϩοου `μμαϩ 3. ευεροκϩϥ ϧεν ουχρωμ

Leviticus 7:18 εϣωπ δε εαϥουωμ `ντεϥουωμ εβολ ϧεν νιαϥουι `μπιεϩοου `μμαϩ3. ννουϣοπϥ φη ετναινι εϧουν ννουοπϥ ναϥ ουωρεβ πε ϯψυχη δε ετναουωμ εβολ `μμοϥ εςεϭι `μπινοβι

Leviticus 7:19 ουοϩ ϩαναϥ αυϣανϭι νεμ ενχαι νιβεν ετϭαϧεμ ννουουομου ευεροκϩου ϧεν ουχρωμ πεττουβηουτ νιβεν ευεουεμ αϥ

Leviticus 7:20 ουοϩ ϯψυχη εθναουωμ εβολ ϧεν νιαϥουι `ντε πιϣουϣωουϣι `ντε πιουϫαι ετε φα `πϭοις πε ουοϩ πεϥϭωϧεμ εϩρηι εϫωϥ εςετακο `νϫε ϯψυχη ετεμμαυ εβολ ϧεν πεςλαος

Leviticus 7:21 ουοϩ ψυχη νιβεν ετναϭι νεμ ϩωβ νιβεν ετϭαϧεμ ιε εβολ ϧεν πϭωϧεμ `ντε ουρωμι ιε νη ετϭαϧεμ `ντε ϥτεφατ ιε ςωϥ νιβεν ετϭαϧεμ ουοϩ `ντεϥουωμ εβολ ϧεν νιαϥουι `ντε πιϣουϣωουϣι `ντε πιουϫαι ετε φα `πϭοις πε εςετακο `νϫε ϯψυχη ετεμμαυ εβολ ϧεν πεςλαος

Leviticus 7:22 ουοϩ α `πϭοις ςαϫι νεμ μωυςης εϥϫω `μμος

Leviticus 7:23 ϫε ςαϫι νεμ νενϣηρι `μπιςραηλ εκϫω `μμος ϫε ωτ νιβεν `ντε ϩανεϩωου νεμ ϩανεςωου νεμ ϩανβαεμπι `ννετενουομου

Leviticus 7:24 ουοϩ νιωτ `ντε νη ετμωουτ νεμ νη ετε νιθηριον ουωμ εβολ μμωου ευεθαμιωου εϩωβ νιβεν εουωμ δε ννουουομου

Leviticus 7:25 ουον νιβεν ετναουωμ `νουωτ εβολ ϧεν νιτεβνωουι νη ετετενναινι εϧουν `νουουταϩ `μ`πϭοις εβολ μμωου εςετακο `νϫε ϯψυχη ετεμμαυ εβολ ϧεν πεςλαος

Leviticus 7:26 `ςνοϥ νιβεν `ννετενουομου ϧεν νετενμανϣωπι τηρου ιτε εβολ ϧεν νιτεβνωουι ιτε εβολ ϧεν νιϩαλαϯ

Leviticus 7:27 ψυχη νιβεν ετναουεμ `ςνοϥ εςετακο `νϫε ϯψυχη ετεμμαυ εβολ ϧεν πεςλαος

Leviticus 7:28 ουοϩ α `πϭοις ςαϫι νεμ μωυςης εϥϫω `μμος

Leviticus 7:29 ϫε ςαϫι νεμ νενϣηρι `μπιςρηλ εκεςαϫι νεμωου εκϫω `μμος ϫε φη ετναινι εϧουν `νουϣουϣωουϣι `ντε πεϥουϫαι `μ`πϭοις εϥεινι `μπεϥδωρον εϧουν `μ`πϭοις εβολ ϧεν πιϣουϣωουϣι `ντε πεϥουϫαι

Leviticus 7:30 ουοϩ νεϥϫιϫ ευεινι εϧουν `ννιουϫαι ευϣηπ `μ`πϭοις ουοϩ `πιωτ φη ετχη ϩιϫεν ϯμεςτενϩητ νεμ πιλοβος ετχη ϩιϫεν πιϩυπαρ εϥεενου εϧουν ϩωςτε εενου εϩρηι νταιο `μπεμθο `μ`πϭοις

Leviticus 7:31 ουοϩ ερε πιουηβ εϥεινι εϩρηι `μπιωτ τηρϥ ετχη ϩιϫεν ϯμεςτενϩητ εϩρηι εϫεν πιμανερϣωουϣι ουοϩ ερε ϯμεςτενϩητ ϣωπι νααρων νεμ νεϥϣηρι

Leviticus 7:32 ουοϩ πιϣωβϣ `νουιναμ ερετενεφορϫϥ εβολ ετηιϥ `μπιουηβ εβολ ϧεν νιϣουϣωουϣι `ντε πετεννοϩεμ

Leviticus 7:33 φη ετναερπροςφεριν `μπι`ςνοϥ `ντε πιουϫαι νεμ `πιωτ εβολ ϧεν νενϣηρι νααρων εϥεϣωπι ναϥ `νϫε πιϣωβϣ `νουιναμ ϧεν ουτοι

Leviticus 7:34 ϯμεςτενϩητ γαρ `ντε πιεπιθεμα νεμ πιϣωβϣ ετφορϫ εβολ αιϭιτου `ντεν νενϣηρι `μπιςραηλ εβολ ϧεν νιϣωουϣωουϣι `ντε πετεννοϩεμ αιτηιτου νααρων νεμ νεϥϣηρι `νουνομιμον νενεϩ ντοτου `ννενϣηρι `μπιςραηλ

Leviticus 7:35 φαι πε πιθωϩς `ντε ααρων νεμ πιθωϩς `ντε νεϥϣηρι εβολ ϧεν νιουταϩ ετϣηπ `ντεν `πϭοις ϧεν πιεϩοου εταϥενου εϧουν εερουηβ `μ`πϭοις

Leviticus 7:36 κατα `φρηϯ ετα `πϭοις ϩονϩεν εϯ νωου `νϩρηι ϧεν πιεϩοου εταϥθαϩςου εβολ ϧεν νενϣηρι `μπιςραηλ `νουνομιμον νενεϩ ϧεν `νουϫωου

Leviticus 7:37 φαι πε φνομος `ντε πιϭλιλ νεμ πιϣουϣωουϣι νεμ εθβε `φνοβι νεμ εθβε ϯμετϣαϥτ νεμ πιϫωκ εβολ νεμ πιϣουϣωουϣι `ντε πιουϫαι

Leviticus 7:38 ` μ`φρηϯ ετα `πϭοις ϩονϩεν ετοτϥ μμωυςης `νϩρηι ϩιϫεν πιτωου `ντε ςινα ϧεν πιεϩοου εταϥϩονϩεν ετοτου `ννενϣηρι `μπιςραηλ εινι εϧουν ννουδωρον `μπεμθο `μ`πϭοις `νϩρηι ϩι `πϣαϥε `ντε ςινα